1.என் கேள்விக்கு என்ன பதில்?
செக்ஸ் குறித்த கேள்விகளுக்கான தெளிவான பதில்களைத் தருகிறார் டாக்டர் டி. காமராஜ்

எழுத்தாளர் : டாக்டர் டி.காமராஜ்
பக்கங்கள் : 152
விலை : 70.00 In Rs
பதிப்பகம் : நலம்

* * * * * * * * * *
2.நலம் தரும் வைட்டமின்கள்

வைட்டமின்கள் என்றால் என்ன?
ஒவ்வொரு வைட்டமினும் தினசரி தேவைப்படுகிறதா?
வைட்டமின்களால் உடலுக்குக் கிடைக்கும் நன்மைகள் என்னென்ன?
வைட்டமின் பற்றாக்குறையால் எந்தெந்த நோய்கள் உண்டாகும்?
வைட்டமின் மாத்திரைகள் அதிகம் சாப்பிட்டால் உடலுக்கு பாதிப்பு வருமா?
கர்ப்பிணிகளுக்கு போலிக் அமில மாத்திரைகள் தரப்படுவது ஏன்?
ஆண்கள், பெண்கள் மற்றும் வயதானவர்களுக்கு கட்டாயம் தேவைப்படும் வைட்டமின்கள் எவை?

வைட்டமின்கள் பற்றிய பல தகவல்களும், உடலுக்குள் வைட்டமின்கள் செய்து கொண்டிருக்கிற வேலைகள் பற்றியும் சுவரஸ்யமாக விளக்குகிறது இந்தப் புத்தகம்.

எழுத்தாளர் : என்.சொக்கன்
பக்கங்கள் : 176
விலை : 75.00 In Rs
பதிப்பகம் : நலம்

* * * * * * * * * *
3.நவீன சிகிச்சைகள். (A to Z வயிறு)
*உடல் பருமனாக உள்ளவர்கள் அறுவைச் சிகிச்சை உலம் 'சிக்' உடல்வாகு பெறமுடியுமா?
*'கீழாநெல்லி' சாப்பிட்டால் மஞ்சள் காமாலை சரியாகுமா?
*மது பழக்கத்தால் ஜிரண உறுப்புகளுக்கு ஏற்படும் ஆபத்துகள் என்னென்ன?
*ஒரு முறை அறுவைச் சிகிச்சை செய்து கொண்ட பிறகு அப்பெண்டிசைடிஸ் மீண்டும் வருமா?

வயிறு தொடர்பான அனைத்து பிரச்னைகளையும் தெளிவாக விளக்கி அவற்றுக்கான நவீன சிகிச்சை முறைகளையும் எளிமையாக விவரிக்கிறது இந்தப் புத்தகம்.

1985 ம் ஆண்டு சென்னை மருத்துவக் கல்லூரியில் பயின்று 32 தங்கப் பதக்கங்களுடன் வெளியே வந்தவர். இந்தியாவில் இருக்கும் லாபரோஸ்கோபிக் அறுவைச் சிகிச்சை நிபுணர்களில் முக்கியமானவர். நூலாசிரியரின் முதல் புத்தகமான?'ஒரு சாண் உலகம்', வெளிவந்த சில மாதங்களிலேயே 10,000 பிரதிகளுக்கும் மேல் விற்பனையாகியிருக்கிறது. ஜீரண மண்டலம் தொடர்பான அனைத்து சந்தேகங்களுக்கும் பதிலளிக்கும் அந்நூலின் இரண்டாம் பாகமாகவே இப்புத்தகத்தைக் கொள்ளலாம்.

எழுத்தாளர் : டாக்டர் ஜே.எஸ்.ராஜ்குமார்
பக்கங்கள் : 160
விலை : 75.00 In Rs
பதிப்பகம் : நலம்

* * * * * * * * * *
4.பத்திய உணவுகள்

பத்திய உணவு என்பது என்ன?
நோய்களுக்கான சிகிச்சையில் உணவுக் கட்டுப்பாட்டை டாக்டர்கள் வலியுறுத்துவது ஏன்?
சர்க்கரை நோயாளிகளுக்கு ஏற்ற உணவுமுறை எது?
இதயத்தைப் பாதுகாக்க என்ன சாப்பிடலாம்?
பத்திய உணவு மூலம் குணமாகக்கூடிய நோய்கள் என்னென்ன?
கர்ப்பிணிகளுக்கான சிறப்பு உணவுத் திட்டம் என்ன?
ஒவ்வொரு உடல் பிரச்னைக்கும் ஏற்ற பத்திய உணவு பற்றி விரிவான தகவல்களைப் பரிமாறுகிறது இந்தப் புத்தகம்.

நூலாசிரியர் அருணா ஷ்யாம், சத்துணவியலில் முதுகலைப் பட்டம் பெற்றவர். சென்னை தரமணியில் உள்ள வாலன்டரி ஹெல்த் சர்வீஸஸ் மையத்தில், சத்துணவியல் துறையில் சிறப்பு விரிவுரையாளராகப் பணியாற்றி வருகிறார். தொலைக்காட்சிகளில், சமச்சீர் உணவு தொடர்பான நேயர்களின் சந்தேகங்களுக்கு ஆலோசனைகள் வழங்கி வருகிறார்.

எழுத்தாளர் : அருணா ஷ்யாம்
பக்கங்கள் : 144
விலை : 60.00 In Rs
பதிப்பகம் : நலம்

* * * * * * * * * *
5.அம்மா அப்பா ஆகணுமா?

இயற்கையாகவே எல்லோரும் குழந்தை பெற முடியாதா?
குழந்தை பெற முடியாதவர்கள் மலட்டுத்தன்மையால் பாதிக்கப்பட்டவர்களா?
கர்ப்பமடைய விரும்பும் பெண்கள் என்ன செய்ய வேண்டும்?
குழந்தைப்பேறுக்கான நவீன சிகிச்சைகள் எவை?
ஆண், பெண் மலட்டுத்தன்மைக்கு என்ன காரணம்?

குழந்தைப்பேறு இல்லாதவர்களின் மனத்தைக் குடையும் பிரச்னைகள் பலவற்றுக்கு விளக்கமளிக்கிறது இந்தப் புத்தகம்.மலட்டுத்தன்மையைப் போக்கும் நவீன சிகிச்சைகள் பற்றி அனுசரணையுடன் எளிமையாக எடுத்துச்சொல்லும் நூலாசிரியர்கள், 'எல்லோருக்கும் குழந்தை பிறக்கும்' என்ற நம்பிக்கையை இந்தப் புத்தகத்தின் மூலம் விதைக்கின்றனர்.

நூலாசிரியர்கள், டாக்டர் டி. காமராஜ், டாக்டர் கே. எஸ். ஜெயராணி இருவரும் கருவாக்கம் மற்றும் பாலியல் துறையில் மிகுந்த அனுபவம் பெற்றவர்கள். சென்னையில் உள்ள இவர்களது ஆகாஷ் கருவாக்க மையத்தின் மூலம் குழந்தைப்பேறுக்கான சிகிச்சை, ஆலோசனைகளை வழங்குகின்றனர். கருப்பை இல்லாத பெண்ணுக்கு செயற்கை
கருப்பையை உருவாக்கி குழந்தை பெறச் செய்து இருவரும் சாதனை புரிந்துள்ளனர்.

எழுத்தாளர்கள் : டாக்டர் டி.காமராஜ் - டாக்டர் கே.எஸ்.ஜெயராணி
பக்கங்கள் : 200
விலை : 80.00 In Rs
பதிப்பகம் : நலம்

* * * * * * * * * *
6.கரு முதல் குழந்தை வரை


கருத்தரிப்பதற்கு உங்களைத் தயார் செய்துகொள்வது எப்படி?
கர்ப்பக் காலத்தில் என்னென்ன பரிசோதனைகள் மேற்கொள்ள வேண்டும்?
கர்ப்பக் காலத்தில் தாய்க்கு ஏற்படக்கூடிய சிக்கல்கள் என்னென்ன?
கர்ப்பிணிக்கு ஏற்ற உணவு முறை எது?
கர்ப்பக் காலத்தில் உடலுறவு வைத்துக்கொள்ளலாமா?
பிரசவ நேரத்தில் எத்தகைய முன்னெச்சரிக்கை நடவடிக்கைகள் மேற்கொள்ள வேண்டும்?
கருத்தரிக்க முடியாதவர்களுக்கான நவீன சிகிச்சை முறைகள் என்னென்ன?

இவை தவிர, மக்கள் மனத்தில் எழும் எத்தனையோ கேள்விகளுக்கும் விடையளிக்கிறது இந்தப் புத்தகம்.

நூலாசிரியர் டாக்டர் ஜெயராணி காமராஜ், மருத்துவப் படிப்பில் முதல் மதிப்பெண் பெற்றதற்காக டாக்டர் அனந்தாச்சாரி விருதும், பெண்களுக்கான மருத்துவ மேற்படிப்பில் (டி.ஜி.ஓ.) தங்கப்பதக்ககம் பெற்றவர். கணவர் டாக்டர் காமராஜுடன் இணைந்து குழந்தையின்மை மற்றும் பாலியல்தொடர்பான பிரச்னைகளுக்குச் சிகிச்சையும், ஆலோசனையும் வழங்கிவருகிறார். சென்னையில் உள்ள இந்தியன் இன்ஸ்டிடியூட் ஆஃப் செக்ஸுவல் மெடிசின் என்ற அமைப்பின் இயக்குநராக உள்ளார்.

எழுத்தாளர்கள் : டாக்டர் ஜெயராணி காமராஜ்
பக்கங்கள் : 232
விலை : 100.00 In Rs
பதிப்பகம் : நலம்

* * * * * * * * * *
7.நோய் தீர்க்கும் யோகாசனங்கள்

யார் யார் எல்லாம் யோகாசனம் செய்யலாம்?
ஆசனங்களால் கிடைக்கக்கூடிய நன்மைகள் என்னென்ன?
ஒவ்வோர் ஆசனத்தையும் எவ்வளவு நேரம் செய்யலாம்?
ஆசனங்களுக்கும் உணவுமுறைக்கும் தொடர்பு இருக்கிறதா?
பிராணாயாமம் (மூச்சுப் பயிற்சி) என்றால் என்ன? அதனால் கிடைக்கக்கூடிய பலன்கள் என்னென்ன?
யோக நித்திரை என்றால் என்ன?

யோகாசனம் மற்றும் அது தொடர்பான வேறு சில பயிற்சிகள் குறித்து அனைவரும் தெரிந்துகொள்ள வேண்டிய தகவல்களுடன், பலன்கள் முழுமையாகக் கிடைக்கக்கூடிய வகையில் தவறு இல்லாமல், ஆசனம் செய்வது எப்படி என்பதையும் படங்களுடன் விளக்குகிறது இப் புத்தகம்.

நூலாசிரியர் டாக்டர் ர. மணிவாசகம், தன்னுடைய ஸ்ரீரமணா இயற்கை மருத்துவம் மற்றும் யோகாசன மையத்தின் மூலம் கடந்த 12 ஆண்டுகளாக யோகாசனப் பயிற்சி அளித்துவருகிறார். பல தனியார் தொலைக்காட்சிகளில், யோகாசனம் பற்றிய நிகழ்ச்சிகளை வழங்கிஉள்ளார். அண்ணா பல்கலைக்கழகத்துக்கு, பல்கலைக்கழக மானியக் குழு(யு.ஜி.சி.) சார்பாக யோகா நிகழ்ச்சிகளைத் தயாரித்து வழங்கி வருகிறார்.

எழுத்தாளர்கள் : டாக்டர் ர.மணிவாசகம்
பக்கங்கள் : 232
விலை : 100.00 In Rs
பதிப்பகம் : நலம்

* * * * * * * * * *
8.டீன் - ஏஜ் பிரச்னைகள்
டீன்-ஏஜ் வயதில் ஆண்-பெண் உடலில் ஏற்படும் இயல்பான பருவ மாற்றங்கள் என்னென்ன?
பருவ வயதில் இருபாலரும் உடலளவில் ஏற்படக்கூடிய மாற்றங்களை எதிர்கொள்வது எப்படி?
எதிர்பாலினரின் மீது கிளர்ச்சி ஏற்படுவது ஏன்?
வக்கிர எண்ணங்கள் ஏன் ஏற்படுகின்றன?
தவறான செக்ஸ் உறவில் இருந்து தற்காத்துக்கொள்வது எப்படி?
சுய இன்பப் பழக்கம் ஆண்-பெண் இருவருக்கும் இயல்பான விஷயமா?

இளம் தலைமுறையினருக்கு ஏற்படும் செக்ஸ் பிரச்னைகளுக்குத் தீர்வு சொல்வதுடன் உளவியல் பாதிப்புகளில் இருந்து மீள்வது எப்படி என்பதையும் விளக்குகிறது இந்தப் புத்தகம். நூலாசிரியர் டாக்டர் ஷாலினி, மன நல மருத்துவத்தில் முதுநிலைப் பட்டமும், மகளிர் மனநலம் குறித்த ஆராய்ச்சியில் முனைவர் பட்டமும் பெற்றவர். 'மனநல சேவை மற்றும் ஆராய்ச்சி மையம்' என்ற அமைப்பை நடத்திவரும் இவர், 'மைண்ட் ஃபோகஸ்' என்ற நிறுவனத்தின் மூலம், மன அழுத்தத்தைக் குறைக்கும் பயிற்சிகளை அளிக்கிறார். செக்ஸ் தொடர்பான பிரச்னைகளுக்கும் ஆலோசனை வழங்குகிறார்.

எழுத்தாளர்கள் : டாக்டர் ஷாலினி
பக்கங்கள் : 136
விலை : 60.00 In Rs
பதிப்பகம் : நலம்

1.வெள்ளிப் பாதசரம்

இலங்கையர்கோன் பிற நாட்டு நல்ல சிறுகதைகளையும், நாடகங்களையும் மொழிபெயர்த்துத் தமிழ் வாசகர்களுக்கு உதவினார். இலங்கைச் சரித்திரக் கதைகளையும், பழங்காலப் புராணக் கதைகளையும் மெருக்கிட்டுப் புதிய சிறுகதைகளாக்கினார். சரித்திர நாடகங்களையும், இலக்கிய நாடகங்களையும் எழுதினார். நாடகங்களின் தன்மைக்கு ஏற்ப செய்யுள் நடையையும், சாதாரண வழக்கு நடையையும் கையாண்ட புதுமையை இவரது எழுத்துக்களிலே காணலாம். காலத்திற்கு காலம் வளர்ச்சித் தடத்திலே மிடுக்குடன் நடந்து இறக்கும்வரை எழுதிக்கொண்டேயிருந்த பெருமை இலங்கையர்கோனைச் சாரும். 'வஞ்சம்' அவரது நல்ல கதைகளில் ஒன்றாகும். 'தேசிய இலக்கியம்', 'மண்வளம்' என்று பிற்காலத்தில் எழுப்பப்பட்ட 'கோஷங்'களுக்குப் பொருத்தமான சிறுகதையாகத் திகழும் 'வெள்ளிப் பாதசர'த்தை 1942 ஆம் ஆண்டிலேயே எழுதிவிட்டார்.

எழுத்தாளர் : இலங்கையர்கோன்
பக்கம் : 232
விலை : 125.00 In Rs
வெளியீடு : மித்ர
* * * * * * * * * * * * * *
2.வேடந்தாங்கல் - கவிதைத் தொகுப்பு

எழுத்தாளர் : முனைவர் அ.இளங்கோவன்
பக்கம் :
விலை :
வெளியீடு : மித்ர

3.சூரியப் பொருளாதாரம் - கட்டுரைத் தொகுப்பு

எழுத்தாளர் : முனைவர் அ.இளங்கோவன்
பக்கம் :
விலை :
வெளியீடு : மித்ர

இவ்விரு நூல்களின் ஆசிரியர், அ.இளங்கோவன் சுற்றுச் சூழலியலில் முனைவர் பட்டம் பெற்ற முதல் வணிகவியல் பேராசிரியர். புதுச்சேரி தாகூர் கலைக்கல்லூரியில் பணி புரிகிறார். 'அஃறினைக் காதல்' என்ற சிறுகதைத் தொகுப்பை எழுதியுள்ளார். மேலும் "காற்றின் ஜாலம்" என்ற இசைக் குறுந்தகட்டை எழுதி, பாடி வெளியிட்டுள்ளார்.
* * * * * * * * * * * * * *
4.உனையே மயல் கொண்டு

"உனையே மயல் கொண்டு" என்பது டாக்டர் நடேசனின் மூன்றாவது தமிழ் நூல். அவர் தமிழ்ச் சுவைப்புக்குத் தரும் இரண்டாவது நாவல்.

இந்நாவல் இரண்டு தளங்களில் இயங்குகிறது. ஒன்று கணவன் மனைவிக்குள் உடலின்பம் சார்ந்து ஏற்படும் பேசாமௌனமும் அதன் விளைவுகளும் பற்றியது. இன்னொன்று புகலிடத்தில் உள்ள நிம்மதியற்ற பிழைப்பின் விளைவாக ஏற்படும் மனவெறுமையும், அதைப் போக்கிக் கொள்வதற்கான காமமும் பற்றியது. இரண்டு தளங்களின் ஊடாக புலம் பெயர்ந்து சென்ற நினைவுகளும் கடந்த கால இடர்பாடுகள் இன்றும் ரணங்களாக ஆறாமல் இருப்பதும் பதிவு செய்யப்படுகிறது.
- எஸ்.ராமகிருஷ்ணன் -

எழுத்தாளர் : டாக்டர் என்.எஸ்.நடேசன்
பக்கம் : 152
விலை : 80.00 In Rs
வெளியீடு : மித்ர
* * * * * * * * * * * * * *
5.காவேரி கதைகள் - 1

எழுத்தாளர் : காவேரி
பக்கம் : 312
விலை : 250.00 In Rs
வெளியீடு : மித்ர

6.காவேரி கதைகள் - 2

'காவேரி' என்ற புனைப் பெயரில் எழுதிக்கொண்டு வரும் லக்ஷ்மி கண்ணன், ஆங்கிலத்திலும் தமிழிலும் ஒரே நேரத்தில் எழுதி வருகிற எழுத்தாளர். சிறுகதை, நாவல், கவிதை, விமர்சனம், திறனாய்வு, மொழிபெயர்ப்பு எனப் பல்வேறு பரிமாணங்களைக் கொண்ட இவரது இலக்கிய வானம் மிக விரிந்து செல்கின்றது. இவரது உரைநடையின் இயல்பான
வீச்சில்கூட ஒரு கவிதை ஈயம் தொனிப்பதை ஸ்பரிசிக்க முடிகிறது.

தாய்மொழி தமிழும், கன்னடத்து மண்வாசமும், தில்லியில் பல்வேறு தேச கலாச்சார பாதிப்புகளும், இவற்றிற்கு ஈடுகொடுத்து நின்று, சக மானுட ஜீவிகளுக்காகவும், தனக்காகவும் ஒரு ஆத்ம தேடலை தக்க வைத்துக் கொண்டிருக்கிறார். இவரது 'ஆத்துக்குப் போகணும்' ஆத்ம பரிசோதனையின் உன்னத உயரத்திற்கு அழைத்துச் செல்லும் படைப்பு.

இதுவரை பதினெட்டு நூல்களைப் படைத்திருக்கிறார். இதில் சில படைப்புகள் இந்தி, மராத்தி, வங்காளம் மற்றும் ஆங்கிலத்துடன் பிரஞ்சு, ஸ்பேனிஸ், ஜெர்மன், அரபிக் போன்ற மொழிகளில் மொழிபெயர்க்கப்பட்டுள்ளன. சமீபத்தில் பெங்குவின் பதிப்பகம், யாத்ராவுடன் இவரது தமிழ்க் கவிதைத் தொகுதியை இந்தியில் பிரசுரித்தார்கள்.
* * * * * * * * * * * * * *
7.பெருவெளிப் பெண்

'பெருவெளி' எல்லைகளற்றது. குறுக்குக் கோடுகளற்றது. சுதந்திரமானது. விடுதலையின் பஞ்சுப்பொதி நிரம்பியது. வார்த்தைகளுக்கு அவசியமற்ற மௌனத்தை அப்பிக் கொண்டிருப்பது. எடையற்றுப் பறத்தலை சாத்தியமாக்குவது. விசயலட்சுமிக்கும் தன் கவிதைப் பயணமே அந்தப் பறத்தலைச் சாத்தியமாக்குகிறது. எடையற்று இல்ல - பெண் மீதான கலாச்சார, நிறுவன, மதங்களின் எடையுடன், பறத்தலை. அப் பறத்தல், கையறுநிலையில் தீனமானதொரு மென்குரலாக அல்லாமல், ஒரு சீற்றத்தை உள்ளடக்கிய உரத்த குரலாக இருப்பதுதான் இங்கே கவனிப்பிற்குரியது.
- தமிழச்சி தங்கபாண்டியன் -

பெருவெளிப் பெண்ணின் குரல் மானுட சமூகத்தின் மனசாட்சியாய்ப் பேசுகிறது. இதன் அலை நீளம் அண்டங்களைக் கடந்து செல்லும் அதிர்வுகளை அகச்சுவர்களில் எதிரொலிக்கும் காலங்கள் இதனுள் கரைந்து போகும். மாயபிம்பங்கள் மாற்றிக் காட்டும் சமூகத்தின் சுயம் காட்டும் கண்ணாடியாய்ப் பிரதிபலிக்கிறது.
- இரா.கனகராசு -

எழுத்தாளர் : ச.விசயலட்சுமி
பக்கம் :
விலை :
வெளியீடு : மித்ர
* * * * * * * * * * * * * *
8.பின்நவீனத்துவச் சூழலில் புலம்பெயர்ந்தோர் கவிதைகளும் பெண்ணியக் கவிதைகளும்


யாழினி முனுசாமி நவீன இலக்கியம் சார்ந்து இயங்குபவர். இவரது விமர்சனங்கள் சிறுபத்திரிகைச் சூழலில் பரவலாக வரவேற்பைப் பெற்றுள்ளது. புதிய பார்வை, புத்தகம் பேசுது, உங்கள் நூலகம், கல்வெட்டுப் பேசுகிறது, தாமரை முதலான பல இதழ்களில் கவிதை, சிறுகதை, நாவல், கட்டுரை, நிகழ்த்துக்கலை தொடர்பான நூல்கள் குறித்து இவர்
எழுதியுள்ள விமர்சனங்களின் தொகுப்பாக இந்நூல் வெளி வருகிறது. ஆய்வரங்கங்களில் படித்தளிக்கப் பெற்ற சில ஆய்வுக் கட்டுரைகளும் இந்நூலில் இடம்பெற்றுள்ளன. இவர் எளிமையும் பாரபட்சமற்று எழுதும் போக்கையும் கொண்டவர்.
- ச.விசயலட்சிமி -

முனுசாமியின் மனம் மரபின் வேர் அறுந்துவிடாத நவீன மனம். அதனால்தான் சங்க இலக்கியம் தொடர்பான நூலாக இருந்தாலும், இயொனெஸ்கோவின் நாடகமாக இருந்தாலும், அவற்றைச் சரியானபடி உள்வாங்கிக் கொள்ளகிறது.
- பா.இரவிக்குமார் -

எழுத்தாளர் : யாழினி முனுசாமி
பக்கம் : 112
விலை : 70.00 In Rs
வெளியீடு : மித்ர
* * * * * * * * * * * * * *
9.உதிரும் இலையும் உதிராப் பதிவுகளும்

சென்னை நகரைப் பாராட்டியவர்களை நான் பார்த்ததே இல்லை. சென்னையைப் பற்றி முனுசாமி எழுதியுள்ள கவிதை எனக்கு மிகவும் பிடித்த கவிதை. வாழும் இடத்தை வெறுக்கக் கூடாது. தமிழிலக்கியத்தில் மிகவும் முக்கியமாக விளங்கக் கூடிய கவிதை இது. இரயில் பயணம் பற்றிய கவிதைகள் முக்கியமானவை. இரயிலுக்குள் 'தொடர்வண்டிக்குள்
தொடர்வண்டியாய்' பாட்டுப் பாடிப் போகும் பார்வையற்றவர்கள் பற்றி எழுதியுள்ள கவிதைகள் குறிப்பிடத்தக்கவை.

முனுசாமி கவிதைகளின் மையப்புள்ளி எது? புதுமைப்பித்தன் கதைகளின் மையப் புள்ளி வறுமை. மௌனி கதைகளின் மையப்புள்ளி கோயிலும் கோயில்சார்ந்தவையும். முனுசாமி கவிதைகளின் மையம் மனிதநேயம். சக மனிதர்கள் மீதான நேயம்தான் முனுசாமி கவிதைகளின் மையப்புள்ளியாக இருக்கிறது. இவர் இன்னும் நிறைய எழுதவேண்டும்.
-பிரபஞ்சன்-

ஜெ.கங்காதரன் தமிழிலக்கியத்தில் முதுகலையும் இளங்கல்வியியலும் முடித்தவர். சென்னை சைதாப்பேட்டை மாநகராட்சி ஆண்கள் மேல்நிலைப் பள்ளியில் ஆசிரியராகப் பணியாற்றுகின்றார். கோ.கேசவன் படைப்புகளில் முனைவர் பட்ட ஆய்வை மேற்கொண்டுள்ளார். இயக்கம் சார்ந்த ஈடுபாடு கொண்டவர். முரண்களரி அமைப்பின் மூலம்
தொடர்ந்து இலக்கியப் பணியாற்றி வருகிறார். இது இவரது முதல் நூலாக்கம்.

தொகுப்பாசிரியர் : ஜெ.கங்காதரன்
பக்கம் : 96
விலை : 60.00 In Rs
வெளியீடு : மித்ர
* * * * * * * * * * * * * *
10.எண்ணக் கோலங்கள்

கடந்த பன்னிரண்டு ஆண்டுகால நட்பு எங்களைக் கருத்தியல் ரீதியாகவும் அறிவுத் ஏடல் சார்ந்தும் இணக்கமான பொது வழிப் போக்கர்களாக மாற்றியுள்ளது. இந்த நெடுங்கால நட்பும் பகிர்வும் தந்த பாடங்கள்சிறப்பானதொன்று. நண்பர் சந்திரபோஸ் அடிக்கடி சொல்லும் ஒரு வாசகம் -

"கற்பதற்காகப் போராடு:
போராடுவதற்காகக் கல்."

இந்தப் பின்னணியில் வைத்துப் பார்க்கின்றபொழுது சந்திரபோஸ் அவர்களின் இந்நூல் தொகை, கட்டுரைகள், நினைவுக் குறிப்புகள், சிறுகதை, குறுநாடகம், ஆவணம் என ஒரு கதம்பமாக இருப்பதுஇயல்பே. ஆசானாகவும், ஆய்வாளனாகவும், இலக்கியவாதியாகவும் "அறிவுக்கு முதன்மை கொடுக்கும் சமூகமாகத் தமிழ்ச் சமூகம் விளங்க வேண்டும்" என்ற விருப்புடைய அறிவுசீவியாகவும் பரிணமித்துள்ள சந்திரபோஸின் பன்முகப்பட்ட வெளிப்படாஉகளை இந்நூல் காட்டுகிறது.
- கவிஞர் சேரன் -

எழுத்தாளர் : எஸ்.சந்திரபோஸ்
பக்கம் : 232
விலை : 125.00 In Rs
வெளியீடு : மித்ர
* * * * * * * * * * * * * *

11.பின்னிரவுப் பெருமழை

உணர்ச்சிக்குவியலான கவிதைகளின் தொகுப்பு.

எழுத்தாளர் : மு.ரிலுவான்கான்
பக்கம் : 96
விலை : 60.00 In Rs
வெளியீடு : மித்ர
* * * * * * * * * * * * * *

மூவலூர் இராமாமிர்தம் அம்மையார்

தமிழின் முதல் பெண்நாவலாசிரியர், 1936 ஆம் ஆண்டில் வெளியான 'மதிகெட்ட மைனர் (அ) தாசிகளின் மோசவலை' எழுதியவர் மூவலூர் ராமாமிர்தம் அம்மையார். திராவிட இயக்கவரலாற்றில் பெரியாருடன் பணியாற்றியவர்களில் முதல் வரிசையில் இடம் பெறுபவர். டாக்டர் முத்துலட்சுமி ரெட்டி அவர்களுடன் சேர்ந்து தேவதாசி ஒழிப்பு பணிகளில் பங்குபற்றியவர்.

சுயமரியாதைக்காக போராடிய பெண்மணியின் வரலாறு. விரிவான தகவல்களுடன் முதல் முறையாக நூல் வடிவம் பெற்றுள்ளது.

விலை : 75.00 In Rs
பக்கங்கள் : 150
எழுத்தாளர் : பா.ஜீவசுந்தரி
பதிப்பகம் : மாற்று

* * * * *

கிறுக்கி

தமிழர் நிகழ்த்துக்கலை மரபின் வரலாற்றைத் தேடல் என்பதும் அதைப் புரிந்து கொள்ளல் என்பதும் தொடர்ச்சியாக நடைபெற்று வருகின்றது. அந்தத் தேடலின் இன்னொரு முயற்சியே இந்நூல். தெருக்கூத்து தொடர்பாக நடந்துவரும் உரையாடல்களின் நீட்சியாக "கிறுக்கி" என்ற பெயரில் வெளிவரும் கூத்துத் தொடர்பான இக்கட்டுரைத் தொகுதி வழி விழங்கிக் கொள்ள முடியும்.

இதில் அரசு.வீ, இராமசாமி.மு, சீனிவாசன்.இரா, சுந்தர்காளி, செல்வதுரை.ஏ.கே, பழனி.கோ, மங்கை.அ, முத்துசாமி.ந, ரவீந்திரன்.செ, ஜெயசங்கர்.சி ஆகியோரின் கட்டுரைகளும் பிஜி தெருக் கூத்துக் கலைஞர் ஆதிநாராயணனோடு இளைய பத்மாநாதனும், கண்ணப்ப சம்பந்தத்தோடு சி.முத்துகாந்தன் நிகழ்த்திய உரையாடல்களும் இடம் பெற்றுள்ளன.

விலை : 75.00
பக்கங்கள் : 160
பதிப்பாசிரியர் : கோ.பழனி
பதிப்பகம் : மாற்று

1.முடிந்து போன அமெரிக்க கற்பனைகள்

இந்தியாவில் படித்த, நகர்ப்புற, மத்தியதர வர்க்கத்தில் பிறந்த இளைஞர்கள் ஒவ்வொருவர் மனதிலும் அமெரிக்காவின் இதழ்கள், புத்தகங்கள், திரைப்படங்கள், இணையப் பக்கங்கள், தொலைக்காட்சி நிகழ்ச்சிகள், அரசியல் விவாதங்கள் மேற்படிப்பிற்கும் வேலைகளுக்குமான வாய்ப்புகள் எனப் பல வாய்க்கால்கள் மூலம் அமெரிக்காவைப் பற்றிய வெவ்வேறு விதமான சித்திரங்கள் எழுப்பப்பட்டிடுக்கின்றன. அவை எவ்வளவு தூரம் மிகைப்படுத்தப்பட்டவை, ஒருசார்பானவை என்பதை அங்கு ஒரு நடை போய் வந்தால் உணர்ந்து கொள்ள முடியும்.

ஆனால் ஒரு எழுத்தாளராக, சமூக ஜீவியாக, ஆதிக்க மனோபாவங்களுகு எதிராகப் போராடுவதைத் தன் கடமையாகக் கருதும் பா.செயப்பிரகாசம் போன்றவர்கள் அங்கு சென்று, சில மாதங்கள் தங்கித் திரும்பும் போது கொண்டு வருகின்ற சித்திரங்கள் பிக்சர் போஸ்கார்டுகளாக இருப்பதில்லை. அவை அந்தச் சமூகத்தை, அந்த தேசத்தின் ஆளுகையை (Governance) ஊடுருவிப் பார்க்கின்ற வருடி உணர்ந்த அறிக்கைகளாக (Scan Report) நமக்குக் கிடைக்கின்றன.
- மாலன் -
விலை : 80.00 In Rs
பக்கங்கள் : 168
எழுத்தாளர் : பா.செயப்பிரகாசம்
பதிப்பகம் : தோழமை
* * * * *
2.அரவாணிகள்

ஆண்களாலும் பெண்களாலும் உற்றார் உறவினர்களாலும் குடும்பத்தாலும் ஒட்டு மொத்த சமூகத்தாலும் துரத்தியடிக்கப்பட்டு அகதிகளாக அநாதைகளாக அரவாணிகள் ஆக்கப்பட்டிருக்கிறார்கள். இந்தச் சமூகத்தின் பொதுத் தளத்திலிருந்து வெளித் தள்ளப்பட்டு மிக மிகக் கீழ்மைப் படுத்மதப்பட்ட விளிம்பு நிலையில் நிறுத்தப்பட்டிருக்கும் அரவாணிகள் பெண்ணைப்போலவும் ஆணைப்போலவும் மனிதர்கள்தான் என்ற புரிதலை இந்தச் சமூகம்
பெற்றிருக்கவில்லை.

வெகுவாக கொணரப்பட்ட பெண் மய்யச் சிந்தனைகளும் தலித் மய்யச் சிந்தனைகளும் அவர்களைக் குறித்த தவறான மதிப்பீடுகளை விளக்கச் செய்திருப்பதோடு அவர்களின் விடுதலைச் செயற்பாடுகளையும் திவிரப்படுத்தியுள்ளன. அதேபோல் அரவாணிகள் மய்யமிட்ட சிந்தனைகளை பொதுத் தளம் நோக்கி வெகுவாகக் கொணரப்படும்போதுதான்
அரவாணிகள் குறித்த தவறான புரிதல்களை விளக்கவும் அரவாணிகளின் விடுதலை செயல்பாடுகளை தீவிரப்படுத்தவும் முடியும். அந்த வகையில் அரவாணிகளாலும் அரவாணி அல்லாத சமூக செயல்பாட்டாளர்களாலும் அரவாணி மய்யமிட்ட சிந்தனைகள் வெளிக் கொணரப்பட்டுவருகின்றன.

விலை : 175.00 In Rs
பக்கங்கள் : 368
தொகுப்பாசிரியர் : மகாராசன்
பதிப்பகம் : தோழமை
* * * * *
3.பாரதி - ஒரு சமூகவியல் பார்வை


இந்நூல் பாரதியார் பற்றியும், பாரதி ஆய்வு பற்றியும் சில அடிப்படையான பிரச்சனைகளைக் கிளப்புகின்றது.முக்கியமாக, வரலாற்றுப் பொருள்முதல்வாத நோக்கில் பாரதி அணுகப்படுகின்ற பொழுதும் தெளிவுப்படுத்துகின்ற பொழுதும் ஏற்படும் ஆய்வுச் சிக்கல்கள் பிரக்ஞை பூர்வமாகப் புலப்படுகின்றது. பாரதியின் மதக் கோட்பாடுகள், மார்க்சியப் பரிச்சயமின்மை ஆகியவற்றை இந்நூலில் ஆராயப்பட்டுள்ளது. பாரதி பற்றிய ஆய்விற்கு இந்நூல் முக்கியப் பங்களிப்பு. வருகின்ற சந்ததிக்கு ஒரு மைல் கல்.

விலை : 75.00 In Rs
பக்கங்கள் : 160
தொகுப்பாசிரியர்கள் : பெ.மணியரசன், அ.மார்க்ஸ்
பதிப்பகம் : தோழமை
* * * * *
4.மரணம் - என் தேசத்தின் உயிர்


புலம்பெயர் ஈழத்து அறிவுஜீவிப் படைப்பாளிகளில் பலர் ஈழப் போர்ச் சூழல் குறித்த அவநம்பிக்கைகளையும், அவதூறான மதிப்பீடுகளையும் பரப்பி வருகின்றனர். ஆனால் இனியன் கவிதைகள் நம்பிக்கை குறித்துப் பேசுகின்றன. உண்மையைப் பேசுகின்றன. இன்றைய போர்ச் சூழலிலும் அயலகச் சூழலிலும் ஈழத் தமிழர்களின் வாழ்வியல் என்னவாக இருக்கிறதோ அவ்வாழ்வியலைத்தான் இனியன் கவிதைகளாக்கியிருக்கிறார்.

விலை : 45.00 In Rs
பக்கங்கள் : 72
எழுத்தாளர் : இனியன்
பதிப்பகம் : தோழமை
* * * * *
5.காற்றின் பக்கங்கள்


தமிழ்ச் சமூகத்தின் அரசியல், கலாச்சாரம், இலக்கியம், திரைப்படம், உக்கிரமான நிகழ்வுகள் என்று பல்வேறு சமகாலத்தியச் செயல்பாடுகளை - ஆரவாரமில்லாத நடையில் ஆனால் உண்மை சார்ந்த பாசாங்கற்ற மொழியில் கேள்விகளை எழுப்புகின்றது மணாவின் "காற்றின் பக்கங்கள்" கட்டுரைத் தொகுப்பு.

விலை : 120.00 In Rs
பக்கங்கள் : 224
கட்டுரையாளர் : மணா
பதிப்பகம் : தோழமை
* * * * *
6.மக்களை வழிநடத்தும் தலைமை உருவாகும்
பழ.நெடுமாறன் நேர்காணல்

தமிழர் தேசிய இயக்கத் தலைவரான பழ.நெடுமாறன் அவர்களின் தேர்காணல்களின் பெரும் பகுதி புதிய பார்வையின் இரு இதழ்களில் தொடர்ந்து வெளியானது. அதையடுத்து மேலும் அவருடன் தனி அமர்வாக எடுக்கப்ட்ட நேர்காணலும் இணைந்து இத்தொகுப்பில் முழுமையாகத் தரப்பட்டுபட்டிருக்கிறது.

விலை : 50.00 In Rs
பக்கங்கள் : 96
நேர்காணல் : மணா
பதிப்பகம் : தோழமை
* * * * *
7.வசந்த காலத்திலே..... ஜார்ஜி குலியா
(Georgij Dmitrijevič Gulia)

மாக்ஸிம் கார்க்கி மிக நன்றாகச் சொன்னார். சோவியத் இலக்கியம் மருத்துவச்சியாகவும், கல்லறை தோண்டுபவனாகவும் ஒருங்கே வேலை செய்கின்றது என்று. ஆம் புதிய மனிதனை சிருஷ்டிக்க உதவுவதும், புதிய சமுதாயத்தைச் சமைப்பதில் மக்களின் நல்வாழ்விற்குத் தடையாக உள்ள எல்லாவற்றையும் அழிப்பதும்தான் சோவித் இலக்கியத்தின் இலட்சியம்.

ஜார்ஜி குலியாவின் இந்த நாவலை வாசியுங்கள், கார்கி கூறியது சரிதானா என்று சிந்தியுங்கள்.


விலை : 100.00 In Rs
பக்கங்கள் : 120
தமிழில் : தி.க.சி
பதிப்பகம் : தோழமை
* * * * *
8.ஒரு கோப்பை தண்ணீர் த்துதவமும் காதலற்ற முத்தங்களும்பெண் விடுதலை குறித்த மார்க்சியப் பார்வைகள்

ஒரு சமூகத்தைப் புரிந்து கொள்ளாமல், அச்சமூக மனிதர்களின் விடுதலையை வென்றெடுக்க முடியாது என்ற இயங்கியல் பார்வை பெண் விடுதலைச் செயற்பாட்டிற்கும் பொருந்தக் கூடியது. அவ்வகையில் சமூகத்தில் பெண்களின் தாழ் நிலைக்குக் காரணமானவற்றையும், அத்தாழ்நிலையிலிருந்து மீள்வதற்கான வழிமுறைகள் குறித்தும் கருத்தாடல்கள் பலராலும் பரவலாக முன்மொழியப்பட்டுள்ளன. இருப்பினும் மார்க்சியம்தான் பெண் விடுதலை குறித்த இயங்கியல் பார்வையைக் கொண்டிருக்கிறது.

பெண் விடுதலை குறித்த மாரக்சிய கருத்தாடல்கள் இனைறைய சமூகத் தேவையாக அமைந்திருக்கின்றன. அவை பெண் விடுதலையின் சரியான திசைவழியை அடையாளப்படுத்தும் அதேவேளையில் இன்றைக்கும் பரவலாகப் பேசப்படும் நவீன வகையிலான விடுதலைச் சிந்தனைப்பாடுகளை மார்க்சியப் பார்வையில் புரிந்து கொள்வதற்கும் துணை செய்கின்றன.

அந்த வகையில் லெனின் மற்றும் கிளாரா ஜெட்கின் போன்றவர்களால் பெண் விடுதலை குறித்த சிந்தனைகள் நூல் வடிவம் பெற்றிருக்கின்றன.

விலை : 100.00 In Rs
பக்கங்கள் : 160
தொகுப்பாசிரியர் : மகாராசன்
பதிப்பகம் : தோழமை

1084 ன் அம்மா


வங்கமொழியில் மகாஸ்வேதா தேவி எழுதிய Mother Of 1084 என்ற நாவலை தமிழில் மொழிபெயர்த்துள்ளார் சு.கிருஷ்ணமூர்த்தி.

பழைய மூடத்தனமான சாஸ்திர சம்பிரதாயங்களும், வேண்டாத வறட்டுக் கௌரவங்களுக்கும் கொண்ட மேல்தட்டு குடும்பத்து தாய், அந்த மூடச்சம்பிரதாயங்களையும், வரட்டுக் கௌரவங்களையும் வெறுத்து கீழ்த்தட்டு மக்களையும், அவர்களுக்கான சுதந்திரத்தையும் பெற போராடும் போராளியான மகன் என்ற இருவர்களுக்கிடையிலான உறவையும் பிணைப்பையும் கூறும் உளவியல் மற்றும் உறவியல் ரீதியில் கன பரிமாணங்களுடன் எழுதப்படட நாவல்.

ஆங்கிலம், இந்தி, மராத்தி, அசாமி, பஞ்சாபி, கன்னட, தெலுங்கு, தமிழ், மலையாள மொழிகளில் மொழி பெயர்க்கப்பட்டுள்ளது. வங்கத்தில் 12 பதிப்புகள் வந்துள்ள இந்நாவல் இந்தியில் பிரபல இயக்குநர் கோவிந்த நிகலானியின் இயக்கத்தில் "ஹஜார் சௌராஸிகீமா" என்ற தலைப்பில் திரைப்படமாக்கப்பட்டுள்ளது.

விலை : 75.00
பக்கங்கள் : 152
பதிப்பகம் : பரிசல்

* * * * * * * * * * * *
கோபுரத் தற்கொலைகள்


தமிழ்நாட்டின் நிறுவன சமயங்களான சைவம், வைணவம் என்ற இரண்டும் தம்மை நிலைநிறுத்திக் கொள்ள மேற்கொண்ட செயல் முறைகளையும், இச்சமயங்களுக்குள் நிகழ்ந்த உள் முரண்பாடுகளையும் அவை வெளிப்பட்ட முறையையும் இந்நூலில் உள்ள கட்டுரைகள் பதிவு செய்துள்ளன.

ஆ.சிவசுப்பிரமணியன் இப்புத்தகத்தை எழுதியுள்ளார்.

விலை : 50.00
பக்கங்கள் : 104
பதிப்பகம் : பரிசல்

வலைப்பதிவுகளினூடே நடைபெறும் விவாதங்கள் ஆர்வம் மிக்க பல தமிழ்த் திறமையாளர்களின் மனித மணித்துளிகளை வீணாக்குகின்றன. ஆதரவாக எழுதினாலும் சரி, இல்லை எதிர்த்து எழுதினாலும் சரி வீணாவதென்னவோ தமிழர்களின் நேரமும், பணமும் மனமும்தான்.

இந்த விவாதங்களில் வெற்றி பெற்றவருக்கு என்ன கிடைக்கப்போகிறது?
தோல்வியடைபவருக்கு என்ன கிடைக்கப் போகிறது?

ஒரு கோப்பை தேனீரும் பெற்றுக்கொள்ள முடியாத ஒரு அற்ப சந்தோசம். அவ்வளவுதான்.

சுய சிந்தனையுள்ளவர்களாக, பகுத்தறிவுள்ளவர்களாக நாம் நடப்போமே.

இன்று தமிழில் அல்லது தமிழ் நிலத்தில் இன்னமும் நிரப்பப்படாத பல தகவல் தொழில் நுட்ப தேவைகள் உள்ளன. எண்ணற்ற பல வெற்றிடங்கள் உள்ளன. அவற்றை நிரப்பும் முயற்சியில் இவ்வாறு வீணாகச் செலவாகும் மணித்துளிகளை செலவிடும் வேளைகளில் அவை தமிழ் சமூகத்திற்கு ஒரளவேனும் பயனுள்ள ஒன்றாக மாறலாம்.

யாரப்பா நீ இதைச் சொல்வதற்கு என்று கேட்பவர்களுக்காக...........

2005 இல் இப்படித்தான் வலைப்பதிவுகளில் ஈர்க்கப்பட்டு, இழுக்கப்பட்டு, வாதங்களில் ஈடுபட்டு எனது நேரத்தை வீணடித்துக்கொண்டிருந்த வேளைகளில், என் மனதில் தோன்றிய கேள்வி

இறுதியில் மிஞ்சப்போவது என்ன?......

ஒன்றுமில்லை...

ஒன்றுமில்லை......

ஒன்றுமேயில்லை.................

இதனை உணர்ந்தவுடன், வெட்டியான வலைப்பதிவை நிறுத்தி, தொடங்கியதுதான் விருபா இணைய தளம். இத்தளத்தின் மூலம் பல்வேறு கற்றவர்களின் நட்பும் பாரட்டும் கிடைத்திருக்கிறது. ஒரு வெற்றிடத்தை நிரப்பிய மன நிறைவு கிடைத்திருக்கிறது.

ஆக, கண் முன்னே உள்ள எடுத்துக்காட்டு விருபா தளம்.

அன்று என் சிந்தனையில் தோன்றியது போன்று ஏதாவது ஒரு புதிய எண்ணத்தை உங்கள் நுட்ப அறிவால் கொண்டுவர முடியாதா என்ன?

தமிழிற்கு அல்லது தமிழ் நிலத்திற்குத் தேவையானவற்றை மேற்குலகம் செய்து தரும்வரை காத்திருக்காமல், புதிய கருத்தாக்கங்களை மேற்குலகிற்கு நாம் தருகின்ற அளவிற்கு வளர வேண்டாமா?

சிந்திப்போம், செயற்படுவோம்.

திருவண்ணாமலை நகரிலிருந்து வெளிவரும் இலக்கியப் பண்பாட்டு மாத இதழ் உழைப்பவர் ஆயுதம் ஆகும்.

இதன் ஆசிரியர் : த.ம.பிரகாஷ்.

2005 நவம்பர் முதல் இவ்விதழ் வெளிவருகின்றது.

2001-03-02 அன்று முதல் இயங்கிக்கொண்டிருப்பதாக தெரிகிறது.



விருபா தளமானது ( www.viruba.com ) 2003-04-16 அன்று முதன் முதலாக பதிவு செய்யப்பட்டு 2005-10-13 அன்று முதல் இயங்குகின்றது.




விருபா தளத்தில் இணைக்கப்பட்ட முதலாவது புத்தகம் "தமிழன் வழிகாட்டி" ஆகும். தளத்தில் இதன் எண் : VB0000001.




எனவே தளத்தின் பெயர் பதிவிலும், இணையத்தில் இணைக்கப்பட்ட நாளிலும் www.Thiraipadam.com தளமே விருபா தளத்தை விட முன்னணியில் உள்ளது.

இணையத் தமிழின் இன்றைய நிலையில் "கட்டற்ற சுதந்திரம்" என்பது உரிய முறையில் பலாரால் உள்வாங்கப்படாத ஒன்றாக ஆகிவிட்ட நிலையில், தமிழைக் கற்று, கற்பித்து, ஆய்வு செய்து, உழைத்து முன்னேறி சமூகத்தில் உயரிய மட்டத்தில் உள்ள 'செல்வாக்கு மிக்க ஓசைகளை' நோக்கி (பேச்சு வழக்கில் சொல்வதானால் Sound Party), வலைப்பதிவில் மிகவும் இலகு வேலையான சத்தங்களை இணைப்பதை மட்டுமே மாபெருந் தகுதியாக நினைத்துக்கொண்டு செயற்படும் 'செல்லா ஓசைகள்' (இங்கேயும் Sound Party தான்), அற்பமான காரணங்களுக்காக அதுவும் வேறொருவன் சிந்தனையில் முதலில் தோன்றியதை ஆர்ப்பாட்டமாக கூச்சலெழுப்புதலை நாம் காண்கின்றோம்.

இவ்வாறான மலின தந்திரக்காரர்கள் வாய்க்கு அவல் கொடுக்காமல் உள்ளதை உள்ளபடி கூறல் நன்றே.

முனைவர் மு.இளங்கோவன் அவர்களுடைய கட்டுரையில் உள்ள விடயம் என்றாலும் தொடர்புடைய நாம் இதனை இன்று மறுக்காமல் இருந்தால், பிற்காலத்தில் சர்ச்சைகள் வரலாம், இதனைத் தவிர்க்கும் முகமாக எமது மறுப்பை வலைப்பதிவில் தனிப்பதிவாக இட்டுள்ளோம்.

முரண்பாடுகள் மத்தியில் ஒருத்துவம் - கலகத்தில் மலரும் சுதந்திரம் என்ற வாசகத்தை ஆதாரமாகக் கொண்டு சென்னையில் இருந்து வெளிவரும் மாத இதழ் "யுகமாயினி"




நிறுவக ஆசிரியர் - எஸ்.பொ

பொறுப்பாசிரியர் - சித்தன்

ஆசிரியர் குழு :
ஜெயந்தி சங்கர் - சிங்கப்பூர்
நிலா - லண்டன்
மதிஅழகன் - டொரண்டோ
ரெ.கார்த்திகேசு - மலேசியா
ராஜ்ஜா - புதுச்சேரி
தமிழச்சி - சென்னை
பாலு தென்னவன் - சென்னை
பழமலய் - விழுப்புரம்
கழனியூரான் - திருநெல்வேலி
கம்பீரன் - திருச்சி

ஆலோசனைக் குழு :
இந்திரா பார்த்தசாரதி
இன்குலாப்
சிற்பி
வா.மூர்த்தி
தர்மகுலசிங்கம் (டென்மார்க்)
வி.கே.டி.பாலன்

வானத்திலே திருவிழா!
வழக்கமான ஒருவிழா

இடிஇடிக்கும் மேகங்கள்
இறங்கி வரும் தாளங்கள்!

மின்னலொரு நாட்டியம்
மேடை வான மண்டபம்

தூறலொரு தோரணம்
தூய மழை காரணம்!

எட்டுதிசை காற்றிலே
ஏக வெள்ளம் ஆற்றிலே!

தெருவிலெல்லாம் வெள்ளமே
திண்ணையோரம் செல்லுமே!

தவளை கூடப் பாடுமே
தண்ணீரிலே ஆடுமே!

பார்முழுதும் வீட்டிலே
பறவைகூட கூட்டிலே!

அகண்டவெளி வேடிக்கை
ஆண்டுதோறும் வாடிக்கை!

ஏறத்தாளப் பத்து ஆண்டுகள் மூன்றாம் வகுப்பு பாடப் புத்தகத்தில் இடம் பெற்று இலட்சக் கணக்கான குழந்தைகளால் பாடப் பெற்று புகழ் பெற்ற பாடல்.

தமிழக வலைப்திவாளர்கள் பலருக்கும், தங்கள் குழந்தைப் பருவத்தில் பள்ளியில் படித்ததில், மிகவும் விரும்பிய பாடலாக உள்ளதும் இப்பாடலே.

குழந்தைகளிற்காக பல பாடல்களைத் தந்த அழ.வள்ளியப்பா தான் இப்பாடலை எழுதியதாக இன்னமும் பலர் நினைத்துக் கொண்டிருக்கிறார்கள். பிஞ்சுக் குழந்தைகளாக இருந்த காலத்தில் நெஞ்சில் பதிந்த இப்பாடல் தொடர்பில் வலைப்பதிவாளர் கார்த்திகேயன் சுப்பிரமணியம் தனது வலைப்பதிவான எழுதுவது சுகாவில் 2006 இல் எழுதிய குழந்தைக் கவிஞர்...?? என்ற பதிவும் அதற்கான பின்னூட்டங்களுங்கூட இப்படலை எழுதியவர் அழ.வள்ளியப்பா என்ற எண்ணப்பாட்டையே தருகின்ற வகையில் இட்டுச் செல்கின்றன.

ஆனால் இப்பாடலை எழுதியவர் அழ.வள்ளியப்பா அல்லர்.

இப் பாடலை எழுதிய கவிஞர் முனைவர் பொன்.செல்வகணபதி ஆவார்.

கவிஞர் பொன்.செல்வகணபதி, சென்னை மாநிலக் கல்லூரியில் தமிழ்ப் பேராசிரியராகப் பணியாற்றி ஓய்வு பெற்றவர். 1972 இல் தமது மாணவப் பருவத்தில் "செல்வணபதி கவிதைகள்" என்ற நூலினை வெளியிட்டு இலக்கிய உலகில் அறிமுகமானவர். நாமக்கல் கவிஞர், கவிஞர் கண்ணதாசன் ஆகியோராரின் பாராட்டைப் பெற்றவர். "நிழல்களை நோக்கிய போராட்டங்கள்", "கைது செய்யப்பட்ட நியாயங்கள்", "சுதந்திர சோகங்கள்", "ஞாபகப் பிசகு", "முதல் வெளிச்சம்" ஆகிய கவிதை நூல்கள் எழுதியுள்ளார். அண்மையில் "வானத்திலே திருவிழா" என்ற மழலைப் பாடல்கள் நூல் ஒன்றினைத் தந்துள்ளார்.

"வானத்திலே திருவிழா" நூலிற்கான அறிமுகவிழா 27.10.2007 மாலை 5.30 மணிக்கு சென்னை கன்னிமார நூலகத்தில், முனைவர் கம்பம் சாகுல் அமீது அவர்கள் முன்னிலையில் நடைபெறவுள்ளது. இந்நிகழ்வில் முனைவர் இராம.குருநாதன், இலக்குவனார் இலக்கியப் பேரவை கவிஞர் செம்பை சேவியர், சிலம்பொலி செல்லப்பனார் ஆகியோர் உரையாற்றுகிறார்கள்.

அன்று "வானத்திலே திருவிழா" பாடலை விரும்பிப் பாடி மகிழ்ந்து இன்று பெரியவர்களாக உள்ளவர்கள், தங்களுடைய குழந்தைகளுக்காக இன்றைய "வானத்திலே திருவிழா" மழலைப் பாடல்கள் நூலினை வாங்கி ஆதரிப்பார்களாக!

முனைவர் இரா.திருமுருகன் அவர்களை ஆசிரியராகக் கொண்டு, புதுவைத் தமிழன்பர்கள் தமிழ்ப்பணி அறக்கட்டளையின் சார்பில் 1993 இல் தொடங்கப்பட்ட 'நல்லதமிழ்' என்ற இதழானது, தற்பொழுது 'தெளி தமிழ்' என்ற பெயர் மாற்றத்துடன் வெளிவந்துகொண்டிருக்கிறது.

இவ்விதழ் அண்மையில் இணைய இதழாகவும் வெளிவரத் தொடங்கியுள்ளது. இதன் இணைய முகவரி www.thelithamizh.com ஆகும்.

முனைவர் இரா.திருமுருகன் அவர்கள் தமிழ்ப் பற்றாளர். பாவணர், பாரதிதாசன், இசைத்தமிழ் தொடர்பில் நூல்களை எழுதியுள்ளார்.

இதழின் முகப்பில் தமிழுணர்வுடன் கூடிய கவிதை இடம் பெறும், சென்ற இதழில் சென்ற இதழில் ம.இலெ.தங்கப்பா அவர்களுடைய கவிதை வெளியானது. இந்த இதழில் இரா.திருமுருகன் அவர்களுடைய கவிதையே இடம்பெற்றுள்ளது.

தமிழ் வாசகர்களுக்கு இத் தமிழ் வளர்ச்சித் திங்கள் இதழை அறிமுகப்படுத்துகிறோம்.

ஈழ எழுத்தாளர் எஸ்.பொ அவர்களின் பவள விழா நிகழ்வாக 30.09.2007 அன்று சென்னை மயிலையில் இலக்கிய நிகழ்வும் புத்தக வெளியீட்டரங்கமும் ஏற்பாடு செய்யப்படுள்ளது. காலை 10:00 மணி முதல் இலக்கிய நிகழ்வுகள் நடைபெறவுள்ளன.

சாகித்திய அகாதமி விருது பெற்ற மலையாள எழுத்தாளர் பாபு பரத்வாஜ் சிறப்பு முன்னிலை வகிக்க, பல தமிழ் இலக்கிய ஆளுமைகள் பங்கேற்கும் இந் நிகழ்வின் நிகழ்ச்சி நிரலை இங்கு பார்வையிடலாம்.




விழாவின் இறுதி அங்கமாக எஸ்.பொ அவர்களை நிறுவக ஆசிரியராகக் கொண்டு வெளிவரும் 'யுகமாயினி' என்னும் தமிழ் இலக்கிய மாத இதழும், 'எஸ்.பொ' வின் புதிய நூல்கள் மூன்றும் வெளியிடப்படவுள்ளன.

"முரண்பாடுகள் மத்தியில் ஒருத்துவம், கலகத்தில் மலரும் சுதந்திரம்" என்ற வாசகத்தை மையப் பொருளாகக் கொண்டு 'யுகமாயினி' இதழ் வெளிவரும். சித்தன் இதன் பொறுப்பாசிரியராக உள்ளார். இதழ் வெளியீட்டிற்கு முன்னோடியாக, வெளிவரும் இதழ் எந்தத் தாளுடன், தன்மையுடன் வெளிவருமோ அதே போன்ற தன்மையுடன் 50 மாதிரி இதழ்கள், முதல் இதழின் உள்ளடக்கங்களுடன் அச்சிடப்பட்டு, இலக்கிய தொடர்புடையோர் பலரிடம் கருத்துக்களும் பெறப்பட்டுள்ளன.



"பெருவணிகப் பத்திரிகைகள் மிக வேகமாக இலக்கியத்தை அற்ப நுகர்பொருளாக மாற்றி விட்டன. மொழியும், படைப்பு வீறும் விதையடிக்கப்படுகின்றன. புதிய படைப்புக்களுக்கும் பிரசுர களங்கள் அருகிவிட்டன. தரமான இலக்கியத்தை முன்னெடுப்பதாகப் பரப்புரை செய்யும் சிறு பத்திரிகைகள், குழுநலம் பேணி சுய அரசியலில் முடங்கிக் கிடக்கின்றன. தமிழ்க் கலை - இலக்கிய நிகழ்வுகள் உலகளாவியதாக விசாலித்துள்ள நிலையில், அவை பற்றிய பதிவுகள் தமிழ்ச் சுவைப்புக்கும் அக்கறைக்கும் கிடைப்பதில்லை.
இலக்கியம் பற்றிய உண்மையின் தேடலாக அமையும் சிந்தனைகளையும், விவாதங்களையும், விமர்சனங்களையும் முன்னெடுக்கும் முனைப்புகள் மறைந்து வருகின்றன. உலகளாவியதாக விரிந்துள்ள தமிழ்ப் படைப்புகளுக்கு பிரசுர களமாக புத்தாயிரத்தின் பொற்பதங்களை உள்வாங்கி, கலை-இலக்கியம் சம்பந்தமான குழுசாராத, ஆரோக்கியமான, நேர்மையான எழுத்துச் செயற்பாடுகளை முன்னெடுக்கும் ஒரு நடுப் பத்திரிகையாக, உலகளாவிய தமிழ் கலை-இலக்கிய நிகழ்வுகளின் வரலாற்று ஆவணமாக ஒரு பத்திரிகை வெளிவருதல் அவசியம் என உணரப்படுகின்றது.

முரண்பாடுகள் மத்தியில் ஒருத்துவம், கலகத்தில் மலரும் சுதந்திரம் கருத்துத் திணிப்பு அல்ல - கருத்துப் பகிர்தல்.
இலக்கியப் படைப்பின் பரப்பையும் சுவைப்பையும் அகலித்தல்.

இவற்றைத் தமிழ் செய்ய யுகமாயினி தன்னை ஈடுபடுத்திக் கொள்ளும்."

என்கிறார் முதல் இதழில் இதன் நிறுவக ஆசிரியர் எஸ்.பொ.


யுகமாயினி ஆசிரியர் குழு.

ஜெயந்தி சங்கர் - சிங்கப்பூர்
நிலா - லண்டன்
மதிஅழகன் - டொரண்டோ
ரெ.கார்த்திகேசு - மலேசியா
ராஜ்ஜா - புதுச்சேரி
தமிழச்சி - சென்னை
பாலு தென்னவன் - சென்னை
பழமலய் - விழுப்புரம்
கழனியூரான் - திருநெல்வேலி
கம்பீரன் - திருச்சி

யுகமாயினி ஆலோசனைக் குழு
இந்திரா பார்த்தசாரதி
இன்குலாப்
சிற்பி
வா.மூர்த்தி
தர்மகுலசிங்கம் (டென்மார்க்)
வி.கே.டி.பாலன்

புதிய நூல்கள் பற்றிய பதிப்பாளரின் அறிமுகக் குறிப்புகள்.

1. மாயினி

தமிழில் முதல் அரசியல் நாவல்.

இலங்கை அரசியலில் பிரதான பாத்திரம் வகித்த தமிழ், சிங்கள அரசியல் தலைவர்கள் அனைவரும் இந்நாவலில் நடமாடுகிறார்கள்.1996 இல் ஜனாதிபதி சந்திரிகா காலத்தில் நடைபெற்ற வன்னிப் புலப்பெயர்வை இந்நாவல் பிரதான களமாகக் கொண்டுள்ளது. விந்தையான சித்த வைத்திய சூரணம் ஒன்றின் மூலம் சென்ற காலத்தினூடாக பயணிப்பதாக கற்பனை செய்யப்பட்டுள்ளது. மூன்று நூற்றாண்டுகளை அடக்கிய பண்டார நாயக்கா குடும்ப வரலாறு அரிய பல தகவல்களுடன் இந்நாவலில் சொல்லப்பட்டுள்ளது.

தமிழ்த் தலைவர்கள் தமிழ்த் தேசியத்தைப் பற்றி நினைக்கவில்லை என்றும், அடுத்தடுத்து சிங்கள அரசியல் வாதிகள் மேற்கொண்ட தமிழினத் துடைப்புச் சட்டங்களின் எதிர்வினையாகவே தமிழர் தேசியம் தோன்றியது என்றும், இந்நாவல் கூறுகிறது. அரசியல்வாதிகள் சிலருடைய அந்தரங்க வாழ்கையின் நிகழ்வுகள் பல துடிச்சலுடன் இதில் கையாளப்பட்டுள்ளது. தமிழர் தேசியத்தை முன்னெடுக்கும் உணர்வாளர்களுக்கும், உபாசகர்களுக்கும், ஊழியர்களுக்கும் இந்நூல் சமர்ப்பணமாகியுள்ளது.

தீ என்ற தனது முதலாவது நாவல் மூலம் இலக்கிய உலகில் சலசலப்பு ஏற்படுத்திய எஸ்.பொ, மாயினி மூலம் ஒரு பூகம்பத்தையே ஏற்படுத்தியிருக்கிறார் என்று நினைக்கத் தோன்றுகிறது. உதாரணமாக ஸ்ரீமாவோவிற்கும் மகன் அனுரவிற்கும் நடை பெறும் உரையாடலைச் சொல்லலாம் 'நீ என் மகன் ஆனால் பண்டார நாயக்காவின் மகன்தானா என்பதை அறுதியிட்டுச் சொல்லதுடியாது'. இந்திய அமைதி காக்கும் படை ஈழத்தில் நிலை கொண்டிருந்த பொழுது நடைபெற்ற நிகழ்வுகள் பல இந்நாவலிலே நுட்பமாக சித்தரிக்கப்பட்டுள்ளது.

2.மணிமகுடம்

இலங்கைத் தீவின் கரையோர மாகாணங்கள் அந்நியர் ஆட்சிக்கு உட்பட்ட பின்னரும் 300 ஆண்டுகள் சுதந்திரத்தை காப்பாற்றிய வீர வரலாறு கொண்டது கண்டி நாடு. இக் கண்டி நாட்டின் சுதந்திரத்தை பாதுகாப்பதிலே கண்டியை ஆண்ட தமிழ் மன்னர்களுடைய பங்களிப்பு சிறப்பானது. கண்டியின் சிங்களப் பிரதானிகளுடைய சூழ்ச்சிகளாலும், அன்னியருடைய ஆட்சியை அவாவிய துரோகத்தினாலும் தான் கண்டி நாடு தன் சுதந்திரத்தை இழந்தது.

இத்தகைய ஒரு வரலாற்றுப் பின்புலத்தில் 1814 ஆம் ஆண்டு நடை பெற்ற சரித்திர நிகழ்வுகளின் ஓர் ஆவணமாக மணிமகுடம் திகழ்கின்றது. இவ்வரலாற்று நாவலின் பிறிதொரு சிறப்பம்சம் என்னவென்றால் நவரசங்களின் ஒவ்வொரு சுவையையும் ஒவ்வோர் அத்தியாயத்தில் முதன்மைப் படுத்தும் வகையில் ஒன்பது அத்தியாயங்களும் அமைக்கப்பட்டுள்ளன. மதுரகவி இ.நாகராஜன் மூன்று அத்தியாயங்களையும், ரசிகமணி கனக செந்திநாதன் மூன்று அத்தியாயங்களையும் எழுத, கடைசி மூன்று அத்தியாயங்களை எழுதி எஸ்.பொ இந் நாவலை முழுமைப்படுத்தியுள்ளார்.

இன்று சிங்கள இன அரசியலால் திருத்தி சரித்திரம் எழுதப்படும் நிலையில், கண்டி அரசின் அஸ்தமன நாட்கள் உரிய முறையில் அறிந்து கொள்வதற்கு இந்த நாவல் உதவுகின்றது. ஈழத்தில் ஒரு காலத்தில் நடைபெற்ற தமிழ் இலக்கிய கூட்டு முயற்சிகளின் ஒரு வரலாற்று ஆவணமாகவும் இந் நூல் தமிழிற்குக் கிடைத்துள்ளது.

3.தீதும் நன்றும்

கணியன் பூங்குன்றனின் 'யாதும் ஊரே யாவரும் கேளிர்' என்ற முதல் வரியை அறியாத தமிழர் இல்லை எனலாம். இதனையே தனிநாயகம் அடிகளார் உலகத் தமிழ் அக்கறைகளின் மையக் கோஷம் ஆக்கினார். சர்வதேசிய ஆய்வு அரங்குகளில் இவ்வாசகம் மையப்படுத்தப்படுகிறது. இக்கவிதையின் இரண்டாவது வரி 'தீதும் நன்றும் பிறர் தர வாரா' என்பதாகும்.

ஞானம் ஆசிரியர் தி.ஞானசேகரனுடன் எஸ்.பொ நடத்திய இலக்கிய உரையாடலே 'தீதும் நன்றும்' என்ற மகுடத்தில் வெளிவந்துள்ளது.எஸ்,பொவின் 'வரலாற்றில் வாழ்தல்' என்னும் சுயசரிதை சுமார் 2000 பக்கங்களிலே வெளிவந்துள்ளது. அந்நூலில் அவர் குறிப்புட்டுள்ள பல கருத்துக்கள் பற்றியும், நிகழ்வுகள் பற்றியும் பல ஐயப்பாடுகள் எழுப்பப்பட்டிருந்தன, இலக்கிய சேமம் கருதி இந்த சந்தேகங்களுக்கு நேரிய விடைகள் தேவை, இந்த விடைகளைக் காணும் ஒரு இலக்கிய முயற்சியாகவே 'தீதும் நன்றும்' நூல் அமைந்துள்ளது. இதனை ஒரு நேர்காணலாக எஸ்.பொ வகைப்படுத்தவில்லை. எழுப்பப்டும் வினாக்களுக்கு விளக்க விடைகள் அளிக்கும் ஒரு இலக்கிய முயற்சியாகவே அவர் கணிக்கின்றார்.

பிறிதொரு வகையில் 'வரலாற்றில் வாழ்தல்' குறித்த இலக்கிய உரையாடலாகவும் இது தரிசிக்கப்படலாம். 20 நூற்றாண்டின் ஈழ தமிழ் இலக்கிய வரலாற்றை அறிய விரும்பும் ஆய்வு மாணவர்களுக்கும், இலக்கிய ஆர்வலர்களுக்கும் 'தீதும் நன்றும்' ஒரு கையேடாக பயன்படவல்லது.

மேலைநாடுகளில் பல நகரங்களில் வாழும் மக்கள் அந்நகரம் தோற்றம் பெற்ற நாளை, தற்காலத்தினருக்கு அந்நகரத்தின் தோற்றுவாய் பற்றிய வரலாற்றுப் பெருமைகளை தெரிந்துகொள்ள உதவியாக, நகரத்தின் தினமாக கொண்டாடுவது வழக்கத்தில் உள்ளது. இந்தியாவிலும் சில நகரங்களின் தினம் கொண்டாடப்படுகிறது.

பல வருடங்களாக சிறிய அளவில் கொண்டாடப்பட்டு வந்த "சென்னை வாரம்", கடந்த சில வருடங்களாக பரவலாக கொண்டாடப்படும் அளவிற்கு மாற்றம் பெற்றுள்ளது. இக்கொண்டாட்டங்கள் ஆகஸ்டு மாதம் 19 முதல் 26 வரை நடைபெறும். பத்திரிகைகள், தன்னார்வ அமைப்புகள்,கேளிக்கை விடுதிகள், கல்லூரிகள் என்று பலராலும் தனித்தனியே சிறிய அளவில் "சென்னை வாரம்" கொண்டாடப்படுகிறது. இவ்வருடத்திற்கான "சென்னை வாரம்" சுமார் 50 வெவ்வேறு நிகழ்வுகளைக் கொண்டதாகத் கணிப்பிடப்பட்டுள்ளது.

இவ்வருடத்திற்கான "சென்னை வாரம்" நிகழ்வின் ஒரு அங்கமாக 2007.08.15 அன்று சென்னை ரோஜா முத்தையா ஆய்வு நூலகம் இந்து நாளிதழுடன் இணைந்து "சென்னையின் ஆரம்பகாலப் பதிப்புகள்" என்ற தலைப்பில் 1800 களிலும் 1900 களின் ஆரம்ப ஆண்டுகளிலும் சென்னையில் பதிப்பிக்கப்ட்ட நூல்களைப் பற்றிய கண்காட்சியை தொடங்கியுள்ளது.

இக் கண்காட்சியை வார நாட்களில் மாலை 5.00 மணி முதல் 8.00 மணி வரையும், வார இறுதி நாட்களில் காலை 10.00 மணி முதல் மாலை 8.00 வரையும் பொதுமக்கள் பார்வையிட அனுமதிக்கப்படுவர். அனுமதி இலவசம்.

இக்கண்காட்சியின் ஆரம்ப நிகழ்வு 15.08.2007 அன்று மாலை 4.30 மணிக்குத் தொடங்கியது.

ஆரம்ப நிகழ்வில் வரலாற்று ஆய்வறிஞர் ஆ.இரா.வெங்கடாசலபதி உரையாற்றினார். அவர் "சென்னை வாரம்" என்பது ஆங்கிலத்தில் மட்டும் கொண்டாடப்படுவது என்றில்லாமல் தமிழிலும் கொண்டாடப்பட்டால் மாத்திரமே அனைத்து மக்களையும் சென்றடைவதாக இருக்கும் என்று குறிப்பிட்டு தனது உரையைத் தமிழிலேயே நிகழ்த்தினார். தனது உரையில் ஆரம்ப கால தமிழ்ப்பதிப்புகள் பற்றிய பல்வேறு நிகழ்வுகளை ஒரு பருந்துப்பார்வையில் தொட்டுப் பேசினார். வண்ணச்சாரம் தண்டபாணி சுவாமிகள், ஆறுமுகநாவலர், சி.வை.தாமோதரம்பிள்ளை, உ.வே.சாமிநாத ஐயர், தாண்டவராய முதலியார், சென்னை கல்விச் சங்கம், சதுரகராதி, திவாகர நிகண்டு, ஆரம்ப கால அச்சகங்கள், ஆரம்ப கால புத்தகம் கட்டுவோர் என்று பல விடயங்களை அவருடைய பேச்சில் உள்ளடக்கினார்.

ஆரம்ப நாட்களில் சென்னையின் பதிப்புத் தொழிலின் மையம் "பிராட்வே" பகுதியைச் சுற்றியுள்ள பகுதிகளில் நடைபெற்றதைக் குறிப்பிட்டு, இன்று அம் மையமானது தியாகராய நகருக்கு இடம் பெயர்ந்துள்ளதையும் குறிப்பிட்டார்.

அத்துடன் சென்னையில் எப்படி மார்கழி மாதம் கச்சேரி காலமாக பேசப்படுகிறதோ / கொண்டாடப்படுகிறதோ, அதே போன்று எதிர்வரும் காலங்களில் சென்னை வாரமும் பேசப்படும் அளவில், நகரத்தில் உள்ள அனைத்து மக்களும் கொண்டாடும் ஒரு நிகழ்வாக மாறும் என்றும் எதிர்வு கூறினார்.

கண்காட்சியில் வைக்கப்ட்டிருந்த சில ஆரம்ப கால இதழ்கள், அகராதிகள் படங்களாக...

1.காந்தி


2.தமிழன்


3.சதுரகராதி



காண்காட்சி அழைப்பிதழ்